OSTADARRA:
Eguzkitik datorren
argia zuria da eta uhinez (ondaz) osaturik dago. Uhin bakoitza kolore
bateko izpia da. Horregatik argi zuria kolore askotako elkarketa da.
Argi zuria zenbait ingurune zeharkatzen dituenean
(beirazko prisma bat zeharkatzean edota euri tanta multzo bat zeharkatzen
duenean) koloretan banatzen da eta ondorioz ostadarra agertzen da.
Argi zuriak prisma bat zeharkatzean ostadarra agertzen da
Objetu
batzuk argi-iturriak dira, hau da, argia sortzen dute. Adibidez,
linterna bat argi-iturria da.
Argia
sortzen ez duten objetuek kolore batzuk xurgatzen dituzte eta beste kolore
batzuk islatzen dituzte.
Adibidez,
kamiseta urdin bat urdin kolorekoa ikusten dugu urdin kolorea izan ezik beste
kolore guztiak xurgatu dituelako eta urdin kolorea islatu duelako.
Kolore beltza kasu
berezia da. Objetu bat beltza ikusten dugu argi guztia xurgatu duenean eta
izpirik islatzen ez duenean. Kolore
zuria ikusten dugu objetuak argirik xurgatzen ez duenean eta izpi guztiak
islatzen dituenean.
iruzkinik ez:
Argitaratu iruzkina